Айыылар айыыһЫТ



Скачать 46,33 Kb.
страница2/7
Дата13.05.2020
Размер46,33 Kb.
1   2   3   4   5   6   7
ИЭЙЭХСИТ

Дойдута. Иэйэхсит үһүс халлааҥҥа олорор. Онон Айыыһыттааҕар үрдүк олохтоох. Бу дойду эмиэ сырдыгынан күлүмнээбит, мэлдьи күөх, мэлдьи сылаас.

Суолтата. Иэйэхсит үүнэр айылҕа айыыта. Оттор-мастар, кыыллар-көтөрдөр бары кини быйаҥа буолаллар.

Дьүһүнэ. Иэйэхсит нөүл эттээх-сииннээх кэрэ дьахтар дьүһүннээх буолар. Быйаҥы биэрэр.

Иэйэхсит киириитэ. Иэйэхсит киһиэхэ киириитэ араас буолар. Иэйэхсит улаханнык киирбит киһитин Иэйэхсит түспүт киһитэ дииллэр. Итинник киһи үс араастаах. Салгын кутугар Иэйэхсит түспүт киһитэ олус үтүө санаалаах буолар. Итинник киһи үтүө санаатынан дьону эмтиир, үтүөнү үрдэтэр, оту-маһы тупсарар. Иэйэхсит буор кукка түстэҕинэ, ол киһи этэ-сиинэ ураты үтүө сабыдыалы биэрэр, дьоҕурданар. Итинник күүстээх дьон ытыстарынан тутан, харахтарынан көрөн, силлээн уонна да атыннык эмтиир дьоҕураданаллар.

Иэйэхсит ийэ кукка түстэҕинэ, ол киһи дьон кэскилин тупсарар дьоҕурданар. Маннык дьон баарын ким да билбэт. Ол гынан баран, итинник дьон бааллар. Кэлэр кэмҥэ кинилэр биллэр-көстөр буолан барыахтара.



Иэйэхсит түһэр кэмэ. Иэйэхсит ыам ыйыгар түһэр. Кини сабыдыалынан от-мас көҕөрөр, дьоннор майгылара тупсар. Бу кэмҥэ төрөөбүт оҕолор Иэйэхсит майгытын иҥэринэллэр.

Иккис Иэйэхсит. Бу этиллэр Иэйэхсит иккис күлүгэ баар. Ити Иэйэхсит хас биирдии киһини араҥаччылыыр.

Туох эмэ куһаҕан түбэлтэ күүтэр буоллаҕына, сэрэтэр. Биллибэт-көстүбэт дьайдар этэн киирээри гыналларын тэйитэр.

Бу Иэйэхсит – айылҕа киһини араҥаччылыыр күүһэ.

Майгыта. Иэйэхсит үтүө майгылаах буолар. Онно кини күүһэ иҥэ сылдьар.

Иэйэхсит амарах. Амарах диэн кимиэхэ да куһаҕаны оҥорбот майгы, кимиэхэ баҕарар үтүөнү баҕарыы. Амарах майгы дьону үөрдэр, айылҕаны сымнатар.

Иэйэхсит эйэҕэс, кими баҕарар үөрэ-көтө көрсөр, кимҥэ баҕарар сүрэҕэ аһаҕас. Ити кини Айыы күүстээҕиттэн тахсар. Харысхал эмиэ Иэйэхсит майгыта. Кини оту-маһы, харамайдары, дьону барытын харыстыыр. Ити харысхал дьоҥҥо киирэн киһи киһиэхэ көмөлөһөр үгэһин үөскэтэр. Иэйэхсит көмүскэс буолар. Ит эмиэ дьоҥҥо киирэн дьон бэйэ бэйэлэрин көмүскэһэр үгэстэрин үөскэппит.

Иэйэхсит билиитин Айыыһыт билиитин ылбыт эрэ киһи иҥэринэр. Ити аата кими эрэ таптааһын айылҕаны таптааһын төрдө эбит. Ити аата дьиэ кэргэни тэринии айылҕалыын сибээстэһии төрдө эбит.

Дом!



Поделитесь с Вашими друзьями:
1   2   3   4   5   6   7


База данных защищена авторским правом ©psihdocs.ru 2019
обратиться к администрации

    Главная страница